നിന്നോട്

നിന്നെക്കുറിച്ചെന്തു ഞാൻ എഴുതുമെന്ന്
എന്നോട് തന്നെ ഞാൻ ചോദിച്ചു പോയ്
ക്യാമ്പസിൻ വരാന്തകളിലെന്നും
ചിരിപടർത്തിയോടുന്ന നിന്നെക്കുറിച്ച് എഴുതാതിരിക്കാനവുന്നതെങ്ങനെ
കണ്ടനാളന്ന്‌ മുതലിന്നുവരെ
നമ്മിൽ വിടർന്ന ആ സൗഹൃദമത്രയും
ഓർക്കാനൊരുപാടൊന്നുമില്ലെങ്കിലും
ഉള്ളതൊക്കെയും ഓർമ്മകളല്ലെടോ
ഓർക്കുന്നു ഞാനാക്കഴിഞ്ഞ കാലങ്ങൾ
നുകരുന്നു ഞാനാ മധുര സ്മരണകൾ
തകരാതെ കാത്തിടാം സൗഹൃദ ഗോപുരം
വീണ്ടുമെന്നെങ്കിലും ഓർത്തെടുക്കാൻ
ഇനിയെന്ന് കാണുമെന്നറിയില്ല, എങ്കിലും
കാണാമിനിയെന്ന പാഴ് വാക്കുമാത്രം
നഷ്ടമായ് തീർന്നിന്നു സൗഹൃദമെല്ലാം
ശിഷ്ടമായ്‌ ഓർമ്മകളെന്നേക്കുമായ്‌